اول موضوع هنتناقش عنة وهو موضوع عصرى مهم

انا جايبة النهاردة مشكلة وهى من المشاكل العصرية للزمن الحالى


الموضوع هو بيتكلم عن مشكلة وهى مشكلة الشباب الخرجين اللى لما بيتخرجو مش بيلاقو شغل وبعدين بيشتغلو اعمال اخرة غير مناسبة لتعليمهم ولا لموئهلهم الدراسى وكمان بيضطرو انهم يسافر بلاد عربية اخرى علشان فرص العمل وبيسيبو بلادهم

ياترى المشكلة دى اية اسبابها
1-عدم توافر فرص عمل
2- تكاسل من الفرض عن البحث عن فرص عمل
3-استسهال من الفرض انة يسيب بلدة ويهاجر علشان يحقق مكاسب رائعة
4-عدم اتقان الفرض من درستة لدرجة انة يخاف يتقدم لطلب وظيفة









ولا علشان اية تانى فعلا دية حاجة صعبة جدا والمفروض ان كل الشباب يدخلو ويقولو رئيهم وكمان نقول اية الاقتراحات اللى ممكن نعملها علشان نقضى على المشكلة دى






وكمان فى مشكلة

هى اانى بشوف شباب كتير لحد سنة رابعة مش بيعرفو يتكلمو عبرى والمفروض ان دة شباب هيتخرج للعمل والمفروض ان اللغة تكون عندة قوية لكن للاسف مش عارفة اية السبب للمشكلة دية تقصير من الطلبة ولا من اية بالضبط

مستنية لردودكم علشان نصلح من غلطنة لو احنا غلطنين فى مسئلة تعلمينا

كــــــــلامك جمـيـــل جـدا يانودى والله عندك حق فعلا كتـــبتى اللى كان نفسى اكتبة واعبر بية



واحنا ديما بنهتم بالكمليات وننسى الاساسيات او نعمل نفسنا نسينها فى كل شى
وفعلا حكاية ان احنا واقفين على التنسيق اللى بيقتل المواهب والرغبات يعنى انا مثلا كنت عاوزة اثار قسم نحت لكن النتسيق على 3 من عشرة مانفعش غير اقاليم ودة مستحيل طبعا اروح اقاليم بس الحمد لله وبعدين كتير من الشباب كانو عاوزين كلية ولللاسف مجموعهم هو اللى منعهم من الكلية اللى عوزينهم علشان كدة مش بيقدرو بيدو الكلية حقها فى المذكرة وفعلا ان الشباب دلوقتى بيتخرجو من غير اى معلومات ثقافية ولا فكرية ودية فعلا مشكلة كبيرة المفروض طالب فى الجامعة دة يكون على مستوى ثقافى كبير لكن للاسف ماحدش بيهتم بالثقافة ابدا





ولكن فى حل لمشكلة الثقافة الفكرية والعلمية
اننا بدل مانقعد على النت نكلم زاميلنا وبس لا لازم يكون فى نوع من الثاقفة بمعنى اننا كل يوم نفتح مواقع الاخبار نقرء اخبار العالم نشوف اية اللى بيحصل فى العالم ونكون على دراية بة نقرء كتب عن الادب وكتب عن كل المجالات
ولو دة صعب
فى حل كمان
اننا نمسك الجرنال كل يوم على حاجة جديدة عن مثلا الاخبار وعن الرياضة وعن بقية الابواب ودة هيعودنا ازاى نقرء جرنال ازاى نتعود على حب القراءة ازاى ننمى معلومتنا الثقافية ازاى نكون جديرين باننا نشتغل فى اعلى المناصب لان خصوصا قسمنا قسم عبرى لازم علشان لما نتقدم لوظيفة لازم نكون عندنا دراية بالاحداث الجارية ومعلومات ثقافية كتير

انا اسفة على انى طولت عليكم بس ياريت نعمل كدة احنا لسة فى بداية حيتنا ولو اتعودنا على كدة هنستمر وان شاء الله نتقدم ونقدم كل شئ معانا